Viral Cobra Mongoose Video: जिथे मुंगूस आणि साप आमने-सामने येतात, तिथे शांतता राहणं अशक्यच. जंगलाच्या नियमांमध्ये एक नियम हमखास आहे. मुंगूस आणि साप यांचं वैर अजूनही जिवंत आहे. त्यांच्या भेटीत मैत्रीचा प्रश्नच येत नाही, तिथे असते केवळ संघर्ष, चपळाई आणि प्राणांवरची झुंज. असाच एक थरारक सामना सोशल मीडियावर व्हायरल झाला आहे, जिथे किंग कोब्रा आणि मुंगूस आमनेसामने येतात. दोघांच्याही डोळ्यांत एकच उद्दिष्ट दुसऱ्याचा अंत. हे केवळ लढत नाही, ही आहे जगण्यासाठीची जीवघेणी झुंज.
सोशल मीडियावर सध्या एक असं वाइल्डलाइफ जोरदार व्हायरल होत आहे, ज्याने प्रेक्षकांच्या श्वासांना क्षणभर थांबायला लावलं आहे. मुंगूस आणि साप हे एकमेकांचे कायम शत्रू मानले जातात. दोघांनीही एकमेकांना पाहिलं तर, त्यांच्या संतापाचा पार चढतो. बहुतेक वेळा मुंगसाला बघताच साप आपला जीव वाचवण्याचा प्रयत्न करतो. मात्र, मुंगूस काही सापाला सोडत नाही. दोघं एकमेकांसमोर आले तर झुंज होणार हे निश्चित असतं. या दोघांमध्ये मुंगूस हा वरचढ असतो, हे आपण अनेक व्हायरल व्हिडीओतून पाहिलं आहे. असाच एक व्हिडीओ सोशल मीडियावर व्हायरल होत आहे.
व्हिडीओच्या सुरुवातीला एका बाजूला कोब्रा आपला फणा उभारून दिसतोय, तर दुसऱ्या बाजूला मुंगूस पूर्ण तयारीत, अत्यंत सावधपणे कोब्राच्या हालचालींवर लक्ष ठेवून आहे. कोब्रा वारंवार मुंगूसावर झडप घालण्याचा प्रयत्न करतो, पण मुंगूस मात्र आपली चपळ हालचाल आणि कुशाग्र डोकं वापरत प्रत्येक वेळी स्वतःचा बचाव करतो. काही वेळाने मुंगूस कोब्रावर जोरदार प्रतिहल्ला करतो. दोघांत सुरू झालेला हा मृत्यूचा खेळ थरारक आहे.
अखेर मुंगूसाचा निर्णायक झटका!
मुंगूस एका अचूक क्षणी कोब्रावर झडप घालतो आणि त्याला आपल्या जबड्यांत पकडतो. कोब्रा अखेरपर्यंत झुंज देतो, पण मुंगूसाच्या ताकदीपुढे आणि जिद्दीपुढे तो पराभूत होतो. काही क्षणांतच मुंगूस या विषारी कोब्राला संपवतो.
येथे पाहा व्हिडीओ